சந்திரரேகா

சில நேரங்களில் ஒரு முயற்சியில் இறங்கும்போது, வரும் இடர்பாடுகள் நமக்கு அயர்ச்சியை  உண்டாக்குகிறது . சந்தேகங்களைத்  தருகிறது. ஒரு தளர்ச்சியில்  சிக்க வைத்து விடுகிறது  அனுபவங்கள் என்ற " சூழல் தரும் சுழலில் "  மாட்டிக்கொண்டு, பொது சமூகம் நம்முள் பதித்து வைத்திருக்கின்ற அனுமானங்களை வைத்து, நம்மை நாமே தினமும் எடை போட்டு, நமக்கு நாமே மதிப்பெண் கொடுத்துக்கொண்டு இருக்கும்போது, ஒரு சிறிய தடங்கல் கூட பெரும் பின்னடைவை ஏற்படுத்தி விடுகிறது.. இது நம்மில் பலருக்கும் இயல்பான ஒன்று. சரி.. இவை எல்லாம் தவிர்க்க முடியாதவை . ஆனால் தடங்கல் வந்தால் என்ன செய்வது? துவண்டு விடாமல் எப்படிக் கையாள்வது?  ஆறு அறிவு இருக்கும் நமக்கு, Mr.காளை மாடு திமிலில் கைபோட்டபடி, நம் வள்ளுவர்  Class எடுக்கும் தருணம் தான்  " மடுத்தவா யெல்லாம் பகடன்னான் உற்ற இடுக்கண் இடர்ப்பாடு உடைத்து "  என்ற குறட்பா! இது  இடுக்கணழியாமை அதிகாரத்தில் வருகிறது. கல்லும் முள்ளுமாய் கடினமான வழிகளில்‌ எல்லாம்‌ ,வண்டியை இழுத்துச்‌ செல்லும்‌ ஒரு  காளை மாட்டிற்கு நம்மை மாதிரியான குழப்பங்கள் எதுவும் இல்லை.. complaints இல்லை.. C onseque

உனக்கு பிடித்தமான ரோஜா மலர்களோடு ! பிரியமானவளே.. பிரிவின் வலியில் என்னைப்  பின்னியவளே ... நலம் கேட்க வரவில்லை ! சொல்லிவிட்டு போக வந்தேன்   நலமில்லை நான் என்றும் தொலைக்க முடியா உன் நினைவுகளால் தான் என்றும்... வார்த்தை தவறிவிட்டாய் ! வாழ்க்கை முழுவதும் கரம் கோர்த்து வருவதாய் சொல்லிவிட்டு ! பாதை மாற்றிக்கொண்டாய் பாதியிலேயே.. அன்றொரு நாள் நிலவும் நடையும் பிடித்திருந்தது.. நீ உடன் வந்த பொழுதுகளில் இனித்திருந்தது.  இன்றோ இருள் கவிழ்ந்த இரவு தனித்துக் கிடக்கிறது   கோபங்கள் வருவதில்லை முன் போல் எனக்கு.. கோபிக்கவும் யாருமில்லை ... உண்மையில் கோபித்துச் சென்றவள் நீதான் .. என்னிடமிருந்து பறித்த சிறகுகளோடு .... யாதுமாகி நின்றவள்  நீ! யாரோவாகிப் போனாய் இன்று... சுயநலக்காரியடி நீ ... சுயமழித்துச் சென்று விட்டாய் ... மீதமுள்ள நாட்களை மிகக்கொடிதாய் நகர்த்த வைத்திருக்கிறாய்  ... உன் மீதான நினைவுகளை அசை போட்டபடியே.. உன் கல்லறைக்கு அருகில் அமர்ந்தவாறும் .... உனக்குப் பிடித்தமான ரோஜா மலர்களோடும் !!!  

பூக்களால்  அலங்கரித்து, தன்னைத்தானே ரசித்துக் கொள்கின்றன இந்த மரங்கள்!  அதிலும்  ஆற்றுப்படுகையில்  அசைந்தாடும்  மரங்கள்  இன்னும்  சற்றுக் கூடுதலாக  வரம்பெற்று  வந்தவை போலும்! ஓடும் நீரில் பிரதிபலிக்கும்  பிம்பத்தை  ஓரக்கண்ணால்  பார்த்துக்கொண்டு, மலர்க்கப்பல் உதிர்த்து  விளையாடும்  சிறுமிகள்  இம்மரங்கள் ! ஈரக்காற்றின் இதத்தில்  அவ்வபோது  சிலிர்த்து நதியின் கரையில் வேர்க்கொலுசுகள்  நனைத்து ஆரவாரிக்கும் அழகுப் பதுமைகள்  இம்மரங்கள் !  இயற்கையால்  ஆசிர்வதிக்கப்பட்ட  தருணங்களில் ஒன்று! இந்த வசந்த காலமும், இன்முகத்தோடு  வரவேற்கும்  இந்த மலர்களும்!

அழகுப் பொருட்கள்  அணி வகுக்கும் அலமாரியும், அருங்காட்சியகம் போல்  அலுங்காமல்  இருக்கும் வீடும்,  எப்போதும் தருவதில்லை   பொம்மைகள்  இறைந்து கிடக்கும் வீட்டின் அழகை !!!    -- ரேகா

Quantity and Quality dont necessarily go hand in hand.. When quantity runs together with time, Quality takes a back seat. Quality blooms out of liberty and moves like a wind without a boundary ❤️

நான் என்பது  நான் மட்டுமே அல்ல..  ஒரு  உடைந்த கண்ணாடியில் காட்டும்  பல சிதறுண்ட துண்டுகளில் , தெரியும் பிம்பங்களைப் போல , பல "நான்"களின் தொகுப்புதான் "நான்! " உங்களைக்கவர்ந்த நானும்,   விலகி நடக்க உட்படுத்திய  நானும் நானே தான்..  சிங்கம் போல் கர்ஜித்தவனும்  நான் தான்.. சிறு பூனைக்குட்டியாய், குரல் வெளியேக்கேட்காமல்  கத்தியவனும் நான் தான்.. !  சாரல் மழையில் கைப்பிடித்து, இசை ரசித்து நடந்தவனும்   நான் தான்..  யாரோவைப் போல், ஒதுங்கிச் சென்றவனும்  நான் தான் ..  முடங்கிக்கிடப்பவனும்  நான் தான்..  பம்பரமாய்ச்   சுற்றிச் சுழல்பவனும்  நான் தான்..  எல்லைகளை  வகுத்துக்கொள்வேன் ! மீறுவதற்கான  திட்டமும் தீட்டுவேன்!  நான் மட்டும் போதும் எனக்கு ! சில நேரங்களில்..  உலகமே வேண்டுமெனக்கு!  பல நேரங்களில்..  "உலகம் அழகானது"  என்று மகிழ்ந்திருந்த  அடுத்த கணத்தில்  சலிப்புற்றுக் கடுப்பாவேன்..  அதிகார ஒடுக்குமுறை பற்றி குமுறிக்கொள்வேன்..  ஆதிக்கம் செய்வதற்கானக்  காய்களையும் நகர்த்துவேன்!  என்னை இயக்குபவன் அந்த "நான்"  களில் ஒருவன் அல்ல !  என்னைக் கடந்து செ

தளும்பும் சத்தம் கேட்டு,  அந்தப் பழமொழியை  நினைவு கூர்ந்து  மெல்ல புன்னகைக்கிறேன்  நான் !  நிறைகுடம் நிறைந்து வழிகிறது  வேறொன்றுமில்லை !  என்கிறார்கள்  பெருமிதச் சிரிப்போடு !   

சேர்த்து வைத்திருக்கும்  அகந்தையோடு  தயாராக இருக்கிறேன்  ! எப்போதோ சந்திக்க வரும்  சிறு பறவைக்காக.. !! சிறகுகளை எல்லாம்  பலமிழக்க செய்தபின்  ஒரு கைப்பிடி நெல் தந்து,  பெருமிதம்  நிரப்பிக் கொள்வேன் !  இன்றிரவு  நிம்மதியாக  உறங்குவேன்!  சிறுபறவை தத்தி தத்தி  நகர்ந்து செல்கிறது ! மறுபடி சிறகு விரிக்க  சிறிது நாட்கள் ஆகும் ! அதைப் பற்றி  எனக்கென்னக் கவலை? 

நீங்கள் இதுவரையில் உங்களுக்கு கிடைத்த பெரும் உதவிகளை யோசித்து பாருங்கள்! அவை எல்லாம் நீங்கள் உங்களுக்கு செய்த உதவிகளாக தான் இருக்கும் ! 😊

உலக மலைகள் தினம் ஒவ்வொரு டிசம்பர் மாதமும் பதினோராம் தேதி ( December 11) கொண்டாடப்படுகிறது. நம் தமிழ் சமூகம் மலைகளைப் பற்றி பாடல் இயற்றிக் கொண்டாடி இருக்கிறது.. திரிகூடராசப்பக் கவிராயர் பாடிய "குற்றாலக்குறவஞ்சி", சிறப்பு மிக்க குற்றால மலையைப் பற்றியது.. அதில் ஒரு அழகான காட்சி! ஆண்குரங்குகள் குற்றால மலையில் விளைந்து நிற்கின்ற, சுவை மிகுந்த, பழங்களைப் பறித்து, பெண் குரங்குகளுக்குத் தந்து கொஞ்சி மகிழ்கின்றன. பெண் குரங்குகள் அந்த அன்பில் மயங்கி, சில பழங்களை  கீழே சிந்துகின்றன. இந்த ஆனந்த காட்சியை கண்டு பெருமூச்சோடு எங்களுக்கு கீழே விழுந்த பழங்களையாவதுத் தாருங்கள் என்று வானுலக மக்கள் கெஞ்சுகின்றனர். குற்றாலமக்களோ, கீழே இறங்கி எங்கள் எழில் கொஞ்சும் மலைக்கு வாருங்கள்! என்று அழைப்பு விடுகின்றனர்.இப்படி ஒரு காட்சியை நீங்கள் இம்மலையில் தான் காண முடியும். அது மட்டுமின்றி , சித்தர்களும், பல சித்து விளையாட்டுகள் செய்து, மக்களை மகிழ்வித்து மகிழ்கின்ற மலை, எங்க திருக்குற்றால மலை என்று பெருமிதமாக பாடுகின்றார் கவிராயர். இந்த அழகான பாடல் இதோ :  வானரங்கள் கனிகொடுத்து மந்தியொடு க

அனைவருக்கும் இனிய புத்தாண்டு வாழ்த்துகள் ! அவ்வையாரின் நல்வழி நாற்பதில் ஒரு நகைச்சுவையான பாடல் உள்ளது. தினமும் சுவையாக சாப்பிட்டாலும், தினம் தினம் வகை வகையாய் உட்கொள்ளும் வயிறை நோக்கிப் பாடுவதாய் அமைந்த பாடல்..  ஒருநாளும் நீ உணவை விடமாட்டாய், இரண்டு நாட்களுக்கு போதுமானதாய் சாப்பிடவும் உன்னால் முடியாது. என் துன்பங்களுக்கெல்லாம் நீ தான் காரணி.. அதையும் நீ உணர மாட்டாய் ! உன்னோடு வாழ்வதே கடினம் என்று அலுத்துக்கொள்வதாய் அமைந்த அழகான பாடல்.. இந்த புத்தாண்டில், நாம் அனைவரும் சரிவிகித உணவை உட்கொள்ள Resolution எடுத்திருக்கும் இந்த வேளையில், இந்தப்பாடலை நினைவில் கொள்வோம்.. வயிற்றோடு சற்று மல்லுக்கட்டுவோம் 😊 அந்தப் பாடலை  மெட்டமைத்துப்பாட முயன்றிருக்கிறேன்.. அந்த பாடல் இதோ:  My Channel