ஆச்சி!

 
மைசூர் சாண்டல் சோப்பும் 
ஜவ்வாது 
வாசனையுமாய் 
வளைய வரும் 
ஆச்சியின்
அருகாமை 
அடிக்கடித் 
தேவைப்படுகிறது ... 
இப்போதெல்லாம்!

நினைவுகள் 
மட்டும் 
வைத்துக்கொண்டு 
அவளைத்தேடும் 
மனதை 
எப்படி 
ஏமாற்றி வைப்பது ? 

அவள் 
மிஞ்சி நிற்கிற 
நியாபக இடுக்குகளில் 
ஏதோ ஒரு விதத்தில் 
ஏக்கப்படுத்தும் 
வெற்றிடத்தை
எப்படி நிரப்புவது ?

சொற்களால் 
செயல்களால் 
பார்வையால்
சுகந்தத்தால்
ஆட்கொண்டு
விடுகிறார்கள் 
மனிதர்கள்! 

முதல் மூன்றும்  
முடியாது
இப்போது!  
நான்காவது 
தேறுவதற்கு 
வாய்ப்பிருக்கிறது ! 

சரி ! 
வாசனைகளால் 
கொஞ்ச நேரம் 
சுவீகரித்துக் கொள்ளலாமா
அவளை? 

ஆன்லைன்  ஆர்டரின்
வழியே 
வந்து விட்டாள் என் ஆச்சி  .. 
சோப்பும் ஜவ்வாதுமாய்...
அவளின் வாசனையால்
நிரம்பிய  
என் கைகோர்த்து ..
சேர்ந்தமர்ந்து 
புன்னகைப்பாள் 
முகம் பார்த்து ..

பள்ளி முடிந்து 
ஓடி வரும்  
என் குழந்தையை
அவள் அம்மாவும்
அவள் ஆச்சியின் அம்மாவும் 
அணைத்துக்கொள்வார்கள்  
இன்று! 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

விஷ்ணுபுரம் வாசிப்பனுபவம் - 1

படம்
எழுத்தாளர் ஜெயமோகன் அவர்களின் எழுத்துக்களை சிறுகதைகள் மற்றும் அவரின் இணையதள கட்டுரைகள் வாயிலாக வாசித்துப்பழகிய எனக்கு, அவர் இருபத்தேழு ஆண்டுகளுக்கு முன் எழுதிய விஷ்ணுபுரம் நாவலைப் படிப்பது முற்றிலும் புதிய அனுபவம். இந்த நாவலின் முதல் பதிப்பு வெளிவந்த காலத்தில் நான் பள்ளி செல்லும் சிறுமி :) விஷ்ணுபுரம் நாவல் 1288 பக்கங்கள் கொண்ட நாவல். இதை எழுதி முடிக்க கிட்டதட்ட ஏழு வருடங்கள் ஆகியிருக்கிறது. தொடர்உழைப்பும் படைப்பூக்கமும் விஷ்ணுபுரம் என்னும் பிரம்மாண்டமான கற்பனை நகரத்தை பெரும்நாவலாகக் நம் கண்முன்னே கட்டெழுப்பி இருக்கிறது. ஆம்..விஷ்ணுபுரம் ஒரு புனைவு உலகம், சில நூறு ஆண்டுகளுக்கு முன் நடக்கும் சில நிகழ்வுகளின் தொகுப்பு! பிரம்மாண்டமான பள்ளிகொண்ட பெருமாள் கோவிலை  மையமாகக்கொண்ட இந்த நாவல், கோவில் உருவான கதைகளைச் சுற்றியும், அங்குள்ள சிலைகளைப் பற்றியும், அந்த ஊரைப் பற்றியும் அதன் மனிதர்களைப் பற்றியும் நமக்கு விவரிக்கிறது. ஸ்ரீ பாதம், கௌஸ்தூபம், மணிமுடி என்னும் 3 பகுதிகளைக்கொண்டது.  ஆன்மீக நாவல் போல ஆரம்பிக்கும் கதை மெல்ல மெல்ல உளவியல் தேடல், நடைமுறை சிக்கல்கள், தொன்மம்...
Read more »
படம்
உன்னால்  வாசிக்கவே  முடியாத  ஒற்றைக் கவிதை  என்னிடம் உண்டு ! காலந்தோறும்  அதன் வாசிப்பனுவம்  தேடி  என்னைத் தொடர்ந்து கொண்டே இருப்பாய்  நீ!   ஒவ்வொரு  யுகத்தின்  முடிவில் என் ஒற்றைக்கவிதையின்  நீளம் கூட்டிடுவேன் நான்!  சுழன்று கொண்டே  இருக்க பிறந்தவர்கள் நாமும் பிரபஞ்சமும் 😌
Read more »
படம்
காலமும் வேகமும்  கணக்கிடத்   தேவையின்றி   பறக்கத்   தெரியுமெனக்கு!  ஆனாலும்  சிறகுகளை கவனமாய்க் குறுக்கிக்கொண்டு  தத்தித் தத்தி நடக்கும்  எனக்கு  ஓட்டமும்  பழக்கிக்கொண்டிருக்கிறேன்  சிறகு விரிக்கத்  தயாராகும்  ஒரு திருநாளில்..  என் கால்களும் உடனிருக்கும்  உறுதியாய் ! இளைப்பாற  இறங்கும்போது  நிலத்தைப்    பற்றிக்கொள்ளும்  உரிமையாய் !  அதுவரையில்  இப்பெருவானம்  எனக்காய் காத்திருக்கக்கடவது😌    
Read more »